Un mes e medio despois de que se abrise a convocatoria, xa coñecemos os nomes das vinte iniciativas finalistas da segunda edición do BBVA Open Talent, un concurso que premia os proxectos máis innovadores da rede. Nesta convocatoria houbo 320 participantes (55 menos que o ano pasado) e, segundo os datos da organización, recibíronse máis de 125.000 votos. De entre os vinte seleccionados, o dez mellores terán a oportunidade de presentar o seu negocio no Salón Miempresa, e tres deles recibirán un investimento de ata 100.000 euros.

Solucións para empresas

 

Boa parte das iniciativas seleccionadas ofrecen servizos para empresas. Por exemplo, City Analytics aspira a ser "o Google Analytics do mundo físico"; All Rankings elabora estudos de mercado online; Feisyap propón un novo "hábitat económico" para empresas e persoas baseado nunha moeda virtual; Frogtek desenvolve aplicacións móbiles para os microemprendedores de países en desenvolvemento; Glasscubes é unha solución integral para xestionar negocios; Grow VC conecta a emprendedores e investidores e Grupodeprofesionales a autónomos e empresas, e Quantyca axuda á xestión de documentación das pemes.

Pola súa banda, Cheque Dixital Blindado e Peertransfer ofrecen servizos de banca online, e ConfirmSign certifica o envío de documentos.

Comunidades e comercio on line

 

A tendencia das comunidades e redes sociais en Internet tamén ten o seu espazo no concurso. E é que entre o resto de proxectos elixidos hai comunidades de todo tipo: para aprender idiomas (Busuu.com), para compartir ideas (Ideas4all), para os amantes do hip-hop e a electrónica (Double Music), para os estudantes Erasmus (Erasmoos) e para webmasters (ShareUsers).

Hai tamén varios comparadores e portais de comercio online: Avízpate, en México, Needish, en Chile, e Traételo, que opera en norteamérica dirixíndose ao cliente hispano. E por último, Enviado, unha plataforma para o envío de sms gratuítos con publicidade.

 

Fonte: www.emprendedores.es