As Tecnoloxías da Información e a Comunicación (TIC) contribúen á eficacia da comunicación interna das empresas e, en consecuencia, favorecen decisivamente á dispoñibilidade de información, á estratexia e á axilidade na toma de decisións. Ademais, as TIC contribúen notablemente a elevar a calidade e a imaxe organizativa, así como a optimizar a xestión do tempo.

Estas son os principais resultados da tese de doutoramento "O impacto da utilización das novas tecnoloxías na comunicación interna das organizacións- A súa incidencia na Eurorrexión norte de Portugal-Galicia", da autoría de Jorge Remondes e dirixida polo profesor Fernando Ramos. O estudo analiza unha mostra de 173 empresas da zona dos sectores servizos, comercio e industria.

 

“Calidade, innovación e eficacia no deseño” foron os tres principais criterios que o xurado encargado de elaborar o Web Desing Index 9.0 deste ano, tivo en conta á hora de incluir os proxectos innovadores da galega Desoños dentro dos 1.000 mellores do mundo.

 

A Coruña será de novo o centro de actividade do audiovisual que máis preto se sitúa das novas tecnoloxías de creación, promoción e distribución. Falamos dunha nova edición, a novena xa, de Mundos Dixitais, que xuntará na sede da Fundación Caixa Galicia da dita cidade ao máis senlleiro do panorama actual de novas realidades e opcións de lecer pola vía tecnolóxica. A cita será entre o 7 e o 10 de xullo, e entre outras cousas servirá para dar acubillo aos responsables dos apartados técnicos dalgúns dos produtos máis salientables da virtualidade de hoxe, é o caso de Avatar ou Iron Man 2.

Ler máis. Mundos Dixitais contará cos responsables técnicos de Avatar, Iron Man 2 ou O Apóstolo