Dentro das accións puramente formativas do Proxecto EmprendeTIC 2009, a Fundación CEL-Iniciativas por Lugo desenvolveu seis obradoiros titorizados diferentes na súa Sala de Innovación Tecnolóxica Empresarial, nos que, de forma individualizada ou en pequenos grupos homoxéneos, os usuarios puideron, en espazos curtos de tempo axeitados ás súas xornadas, solucionar dúbidas sobre o manexo do hardware e software, as oficinas en rede, as copias de seguridade e o uso do xestor de correo, "Evolution", así como asesorarse noutras materias relacionadas coas TIC que supuxesen unha mellora de proceso nas súas empresas.

Todos os obradoiros leváronse a cabo ininterrompidamente do 15 de maio ao 15 de novembro de 2009 (con axenda concertada), deixando o mes de agosto de descanso.