A Sala de Innovación Tecnolóxica Empresarial (SITE) deseñou o seu programa de actividades para o 2009, o Proxecto EmprendeTIC, co obxectivo de achegarlles  aos emprendedores e novos empresarios as tecnoloxías da información e comunicación dispoñibles nese momento no mercado.

O programa incluíu a celebración de sete xornadas demostrativas de temática variada. Á hora de confeccionalo pretendeuse dar unha orientación eminentemente práctica ás xornadas, tanto no que se refiriu aos contidos elixidos, coma aos relatores designados para impartilos. Aos temas máis usuais de constante demanda polos empresarios como a mercadotecnia tecnolóxica, a xestión documental e o comercio electrónico, engadíronse outros que se consideraron de grande interese pola súa repercusión social, como as NTIC e a discapacidade, as NTIC no medio rural e as denominadas web 2.0.