“Calidade, innovación e eficacia no deseño” foron os tres principais criterios que o xurado encargado de elaborar o Web Desing Index 9.0 deste ano, tivo en conta á hora de incluir os proxectos innovadores da galega Desoños dentro dos 1.000 mellores do mundo.

 

As Tecnoloxías da Información e a Comunicación (TIC) contribúen á eficacia da comunicación interna das empresas e, en consecuencia, favorecen decisivamente á dispoñibilidade de información, á estratexia e á axilidade na toma de decisións. Ademais, as TIC contribúen notablemente a elevar a calidade e a imaxe organizativa, así como a optimizar a xestión do tempo.

Estas son os principais resultados da tese de doutoramento "O impacto da utilización das novas tecnoloxías na comunicación interna das organizacións- A súa incidencia na Eurorrexión norte de Portugal-Galicia", da autoría de Jorge Remondes e dirixida polo profesor Fernando Ramos. O estudo analiza unha mostra de 173 empresas da zona dos sectores servizos, comercio e industria.

 

As empresas españolas de novas tecnoloxías, con menos de dous anos de vida, poden presentar a súa candidatura ao Premio Vivero ata o 26 de xullo. O premio? Participar gratuitamente na feira e, para a mellor, 12.000 euros en metálico.

 

O vindeiro xoves ás 19:00 horas péchase o actual curso de Iniciador Galicia cun encontro no Edificio Politécnico da Escola Superior de Enxeñaría Informática de Ourense que contará con tres convidados que darán conta das súas experiencias de emprendimento no estranxeiro.