• Aceptación das normas establecidas pola Fundación CEL-Iniciativas por Lugo para o Programa Viveiro  de Empresas: condicionado xeral, contrato de adhesión, regulamentos internos,  normas ou  instrucións de funcionamento dos elementos comúns.
  
  
• Presentación dun proxecto empresarial viable e preferentemente innovador, ben sexa pola introdución de novas tecnoloxías ou polo seu carácter novidoso na provincia ou no contorno, por parte de promotores cualificados.
  
  
• Que o proxecto empresarial vaia dirixido á creación dunha empresa na provincia de Lugo, establecendo o seu domicilio social ou centro de traballo/produción na dita provincia.
  
  
• Que se trate preferentemente de empresas do sector industrial ou produtivo, en especial do sector agroindustrial; ou de proxectos empresariais que presten servizos ao sector empresarial de carácter novidoso; ou que destaquen, finalmente, por outras circunstancias, como o potencial para a creación dun alto nivel de emprego estable, a súa localización dentro dos chamados “xacementos de emprego”, o uso intensivo de novas tecnoloxías, a procedencia dos seus promotores do campus universitario lucense ou doutros colectivos como os considerados “desfavorecidos” para a súa inserción laboral (mulleres, mocidade…), ou a súa posible cualificación como iniciativas locais de emprego ou iniciativas de emprego de base tecnolóxica.
  
  
• Que o proxecto empresarial contribúa ao desenvolvemento económico da área na que se sitúe.
  
  
• Que o proxecto non se executara no momento da solicitude de adhesión ao programa.
  
  

Os promotores dos proxectos empresariais que reúnan os requisitos establecidos, interesados na adhesión ao programa, presentarán unha solicitude normalizada cos datos do proxecto (descargar) e os datos do promotor (descargar), o que implicará a aceptación do presente condicionado (descargar).

As tarifas vixentes de utilización dos viveiros son: (descargar).