• Acollida, tutela inicial e posta en marcha efectiva do proxecto empresarial
  
  

Esta etapa comprende o desenvolvemento inicial xunto cos emprendedores do seu plan de empresa, a busca de financiamento, o asesoramento e o acompañamento nos trámites de constitución e posta en marcha do seu proxecto, a busca de axudas públicas para aquel, a formación para os promotores e os seus empregados e, finalmente, o inicio da actividade empresarial, a través da posta efectiva dos seus produtos ou servizos no mercado baixo a estrutura de apoio do Programa Viveiro de Empresas. A súa duración improrrogable é de dous anos.

• Consolidación e crecemento da empresa tutelada
  
  

Esta segunda fase ten como obxectivo principal cooperar cos emprendedores no asentamento definitivo da súa empresa no mercado, o seu fortalecemento, aumentar as súas posibilidades de supervivencia fóra do programa, así como, finalmente, preparar e planificar a súa saída efectiva do viveiro de empresas a un local ou instalación propia. A súa duración improrrogable é doutros dous anos. Iniciarase previa solicitude, tras completar con éxito a primeira fase.