Os viveiros de empresa de Lugo a exame

     O xornal económico Expansión do 29 de xuño reúne nunha reportaxe os resultados acadados polos tres viveiros de empresas existentes na actualidade na provincia de Lugo e entre os que se atopa, xunto co da Cámara de Comercio e o do Concello, o viveiro veterano da Fundación CEL. O feito de que acolleron en conxunto un total de 97 empresas, que xeraron 515 postos de traballo, e que a taxa de supervivencia destas firmas se achega ao cen por cento, subraia o seu papel de reforzo do tecido empresarial.