É o nome que recibe o movemento espontáneo de persoas que utilizan Internet para comunicarse, experimentar por si mesmas e obter o que necesitan doutros: información, apoio, ideas, produtos e capacidade negociadora.

     Sobre este mundo, a súa gran influencia e o seu crecemento, Charlene Li e Josh Bernoff ofrecen asesoramento estratéxico e editan anualmente o informe anual “Social Computing” a través da empresa Forrester Research. Nesta mesma liña, publicaron o libro El mundo groundswell: Cómo aprovechar los movimientos espontáneos en la red (Empresa Activa, 2009).

     Estrutúrase en tres partes, dúas introdutorias e a terceira máis directa, sobre como utilizar o mundo groundswell no seo da empresa: realizando análise do perfil socio-tecnográfico para examinar calquera segmento de poboación e ver o seu grao de participación no groundswell; deseñando estratexias para entrar no groundswell; aplicando técnicas para usalo no ámbito da mercadotecnia (vídeos xerados por usuarios, os blogs e as comunidades); etc.

     Son moi ilustrativos os exemplos que se inclúen de casos nos que os usuarios de Internet conseguiron impor os seus gustos fronte a demandas ou queixas de grandes firmas.