Luis Bassat, considerado o mellor publicitario español de século XX, creador de marcas e campañas memorables ("Borreguito", de Norit; "No lo abandones", da Fundación Purina; "¿Gustas?", de Hellmann's; da Generalitat de Sanitat, con Cruyff; etcétera), seguiu os pasos do seu mestre e socio David Ogilvy. Inspirouse no seu libro Confesiones de un publicitario (1963) e púxose ao descuberto en Confesiones personales de un publicitario (2008). Con esta selección dos momentos que marcaron a súa vida profesional e persoal realiza un achegamento íntimo cara aos lectores en xeral e cara aos creativos en particular.

     Os emprendedores deste sector contan con outras dúas achegas fundamentais deste autor ao panorama editorial: El libro rojo de la publicidad (ideas que mueven montañas) e El libro rojo de las marcas (cómo construir marcas de éxito).