Produciuse un cambio de paradigma na comunicación das empresas e cobra protagonismo a e-mercadotecnia como valor engadido. Para saber como aproveitar esta nova tendencia unha opción é a lectura do libro Iníciate en el marketing 2.0. Los social media como herramientas de fidelización de clientes (Netbiblo, 2009), de Marc Cortés Ricart e Enrique Burgos García, que fan un adianto do primeiro capítulo en www.marketingdospuntocero.com.

     Presentan "os novos medios, os novos soportes, o novo xeito de achegarse e relacionarse cos consumidores". Polo tanto, céntranse non na descrición técnica das TIC senón na mellor forma de que emprendedores e empresarios as entendan e saquen partido das novas ferramentas: blogs, redes sociais, RSS, marcadores sociais, etc.

     Como peche inclúen un Social Media Plan, é dicir, unha guía para a posta en marcha dun modelo de presenza na rede.