Gemma Fabregat Monfort, doutora en Dereito, profesora titular na Universidade de Valencia, enfoca a aplicación da igualdade de xénero cara ao mundo da empresa partindo da Lei Orgánica para a igualdade efectiva de homes e mulleres en Planes de igualdad como obligación empresarial (Editorial Bomarzo).

     Fabregat especifica os supostos nos que é obrigatorio implantar un plan de igualdade e concretiza en canto á adopción do plan, a súa elaboración (fases, contidos, duración, obrigas formais...) e as consecuencias do seu incumprimento: infraccións e sancións administrativas e xudiciais.

     Engrosan a bibliografía desta autora na mesma liña libros como La discriminación de género en el acceso al mercado de trabajo (2007), Protocolos sobre relaciones laborales (2008), La movilidad funcional por razones objetivas (2002), etc.