A profesora María Puy Arrastia Lana, enxeñeira en Telecomunicación, presenta no libro Tecnologías de la Información y la Comunicación para persoas con discapacidad intelectual (2009) ferramentas ao alcance de deseñadores, desenvolvedores e programadores para que as TIC estean pensadas tamén para a integración social e laboral das persoas con discapacidade intelectual.

     Fai recompilación de materiais e proxectos e expón as súas propostas, como son as webs con contido adaptado e o software de comunicación alternativa para persoas que non poden utilizar a linguaxe falada ou a lecto-escritura, por exemplo, reivindicando a necesidade de unión de técnicos, docentes e pedagogos para optimizar a accesibilidade nas empresas.

     É unha obra elaborada no marco dun proxecto da Asociación de Investigación Solidaria Sadar para a mellora do emprego de persoas con discapacidade mediante as tecnoloxías, que edita o Servicio de Publicacións da Universidade Pública de Navarra.