A ESIC, escola líder na formación de profesionais da mercadotecnia en España, lanzou a través da súa editorial para o 2009 El plan de marketing en la pyme, o último de José María Sainz de Vicuña.

     É un libro de divulgación que inclúe dous plans de mercadotecnia reais de dous pemes, SDV Consultores (propiedade do autor) e Coopaman, aspecto que esperta interese entre os lectores pola proximidade ou similitude destes casos cos seus propios.

     O consello entón de Sainz de Vicuña para os empresarios é que usen o plan de mercadotecnia como compás porque incrementa a rendibilidade das súas empresas e porque lles obriga a facer unha vixilancia máis sistemática da evolución do mercado e a aumentar a capacidade de reacción ante imprevistos.