A mente do emprendedor. Tres claves para optimizar unha pyme no século XXI constitúe a última achega ao mercado editorial de Fernando Moreno Rodríguez, autor de exitosos libros de coaching empresarial como El negocio perfecto.

     Interesado en que os promotores de pymes non sexan escravos dos seus negocios senón que lles saquen o máximo rendemento gañando calidade no traballo e na vida persoal, nesta ocasión ofrece claves sinxelas extraidas de casos reais de emprendedores que, sen recursos nin experiencia, conseguiron levar adiante satisfactoriamente as súas empresas con moito instinto e sentido práctico.

     Foi presentado en 2008 pola Editorial Alvalena e é o primeiro dunha colección de dez títulos baseados noutros tantos sistemas básicos de adestramento de emprendedores modernos, creados por Fernando Moreno.