Os contratos formativos, de relevo e de substitución por anticipación da idade de xubilación celebrados a tempo completo ou parcial que se transformen en indefinidos darán lugar a unha bonificación de 41,67 euros ao mes (500 euros ao ano) durante catro anos.

     Cando o contrato indefinido ou temporal sexa a tempo parcial, as bonificacións aplicaranse nas seguintes proporcións: se a xornada laboral é igual ou superior ás tres cuartas partes da xornada habitual ou a tempo completo, o 100%; se é igual ou superior á metade da xornada habitual ou a tempo completo e inferior ás tres cuartas partes da devandita xornada, o 75%; se é igual ou superior á cuarta parte da xornada habitual ou a tempo completo e inferior á metade da devandita xornada, o 50%; e, finalmente, se a xornada laboral é inferior ao 25% da xornada habitual ou a tempo completo, o 25%.