Faise uso del cando a prestación da actividade laboral se vai realizar no domicilio do traballador ou nun lugar libremente elixido por este e sen a vixilancia do empresario. O contrato pode ser por tempo indefinido ou de duración determinada.

     As empresas que o concerten están obrigadas a entregar aos traballadores a domicilio un documento de control da súa actividade laboral, no que deben consignarse o nome do traballador, a clase e cantidade de traballo, a cantidade de materias primas entregadas, as tarifas acordadas para a fixación do salario, a entrega e recepción de obxectos elaborados e outros aspectos da relación laboral que interesen ás partes.

     A formalización farase por escrito, constando o lugar no que se efectua a devandita prestación laboral.

     O salario ha de ser como mínimo igual ao dun traballador de categoría profesional equivalente no sector económico de que se trate.