Serve para substituír parcialmente un traballador da empresa que accede á pensión de xubilación de forma parcial, concertándose cun traballador desempregado ou que asinase coa empresa un contrato de duración determinada.

     A súa duración será indefinida ou igual á do tempo que lle falte ao traballador substituído para alcanzar a idade de xubilación. Poderá realizarse a xornada completa ou a tempo parcial; en todo caso, a duración da xornada deberá ser, como mínimo, igual á redución da xornada acordada polo traballador substituído, que deberá estar comprendida entre un 25% e un 85%. En canto a horarios, o traballador relevista poderá completar o do traballador substituído ou simultanearse con el.

     A súa formalización farase por escrito en modelo oficial. Contémplanse incentivos á transformación destes contratos en indefinidos.