Trátase dunha medida aplicable exclusivamente cando os traballadores anticipen a súa idade ordinaria de xubilación de 65 a 64 anos. Os traballadores contratados para substituilos deberán estar desempregados. Neste caso, a empresa procederá á celebración dun contrato, como mínimo dun ano de duración, por calquera das modalidades vixentes de contratación, agás a contratación a tempo parcial e a eventual por circunstancias da produción.

     Se durante a vixencia do contrato se produce o cesamento do traballador, o empresario deberá substituilo no prazo máximo de quince días por outro traballador desempregado e polo tempo que reste para alcanzar a duración mínima do contrato, salvo no suposto de forza maior.

     A formalización farase por escrito. Contémplanse incentivos á transformación destes contratos en indefinidos.