É o que se concerta para realizar traballos que teñan o carácter de fixos discontinuos e que non se repitan en datas certas, dentro do volume normal de actividade da empresa.

     Os traballadores fixos discontinuos serán chamados na forma e orde que se determine nos respectivos convenios colectivos. En caso de incumprimento, o traballador pode reclamar en procedemento de despedimento.

     Os convenios colectivos de ámbito sectorial poden acordar, logo de xustificación, a utilización de contratos a tempo parcial, así como os requisitos para a conversión de contratos temporais en fixos-discontinuos.

     Esta modalidade de contrato deberá formalizarse por escrito no modelo oficial establecido polo Servizo Público de Emprego e deberá incluír os seguintes datos: duración estimada da actividade, forma e orde de chamamento que estableza o convenio colectivo aplicable e xornada laboral estimada, así como a distribución horaria.