Que é? Unha entidade xurídica mercantil, de carácter personalista, na que todos os socios, en nome colectivo e baixo unha razón social, se comprometen a participar, na proporción que establezan, dos mesmos dereitos e obrigas. A súa denominación deberá incluír o nome de todos os socios, dalgúns ou dun (engadíndose nos dous últimos casos "e Cía."), seguido do tipo de forma xurídica ou a súa abreviatura.

     Socios? Intégrana dúas clases de socios: capitalistas, que achegan bens á sociedade, e industriais, que só achegan industria, é dicir, traballo, servizos ou actividade en xeral.

     Responsabilidade? Todos os socios responden persoal, ilimitada, solidaria e subsidiariamente das débedas sociais.

     Vantaxes? Non se esixe mínimo legal para o capital social e a responsabilidade ilimitada permite obter préstamos doadamente xa que existe o aval implícito do patrimonio de todos os socios.