O "renting" é un medio de financiamento do aluguer de determinados activos fixos materiais, principalmente de vehículos.

     A súa operativa é sinxela, pois o cliente solicítalle á empresa de "renting" o aluguer dun ben e formalízase o contrato, que adoita ser a longo prazo (dous ou tres anos) e que inclúe o pagamento dos impostos, todos os gastos de mantemento e reparacións e o seguro a todo risco. Como contrapartida, o usuario terá que pagar as cotas do aluguer. 

     A principal vantaxe do "renting" para a empresa que o solicita é que non inmobiliza o seu capital.

     Aínda que o "leasing" e o "renting" son alternativas aparentemente similares, no "renting" a duración do contrato é menor e inclúe cláusulas de cancelación por vontade das partes, os bens non teñen que ser necesariamente novos, non existe opción de compra e a empresa de "renting", que adoita estar especializada no tipo de ben que aluga, soporta o risco de obsolescencia e os mantementos.