A licenza de actividade é un permiso municipal que acredita a adecuación das instalacións proxectadas, á normativa urbanística vixente e á regulamentación técnica que poida serlle aplicable. Só debe solicitarse cando se vaia abrir un local e sempre con carácter previo á súa apertura.

    As actividades divídense en Inocuas (aquelas que non producen molestias nin danos) e cualificadas (aquelas que poden resultar molestas, insalubres, nocivas e perigosas).

    Os documentos que se han de presentar no Concello son: Impreso normalizado, alta no IAE, contrato de arrendamento ou escritura de propiedade do local, DNI do solicitante ou escritura de sociedade e CIF, memoria descritiva da actividade e do local, planos de planta e sección do local, plano ou esbozo da situación do local e presuposto das instalacións.

    Ademais, se a actividade é Cualificada, será necesario un proxecto das instalacións asinado por técnico competente, visado polo colexio profesional correspondente e con dirección facultativa, que inclúa: planos, presupostos e memoria.

   A titularidad da licenza dun negocio pode modificarse mediante un trámite de comunicación ao Concello. Como condición previa esíxese que o citado local se atope en funcionamento ou o estivera nos seis meses anteriores á data se pretende realizar o cambio de na que titular.

    Os documentos que ha de presentar o interesado son: a licenza de apertura en vigor ou certificado de exhortos, o seu DNI ou escritura de constitución e CIF no caso de sociedades, e un documento de transmisión ou conformidade asinado co anterior titular.

  Esta comunicación hase de realizar ante o Concello correspondente e con anterioridade ao inicio da actividade por parte do novo titular. A empresa deberá comezar a prestar os seus servizos dentro dos seis meses seguintes á devandita modificación.