Benvido ao Servizo de Información e Asesoramento Telemático da Rede de Puntos de Información sobre Actividades de Investigación, Desenvolvemento e Innovación (PI+D+i) 

Dende este espazo, as empresas e os emprendedores poderán dispoñer dun servizo de información e asesoramento personalizado sobre os instrumentos de financiamento que máis se axustan ás súas necesidades e proxectos, sempre en relación a actividades de Investigación, Desenvolvemento e Innovación.

Se ten un proxecto innovador poderá solicitar un asesoramento especializado sobre os esquemas de financiamento público que máis se adecúa ás súas necesidades.

         ->Envíenos a súa solicitude 

Para facer uso deste servizo terá que encher un formulario electrónico e achegarnos a documentación que considere oportuna para valorar a súa iniciativa.

Nun prazo inferior a 10 días hábiles recibirá un informe dun experto asesor sobre o xeito máis apropiado para financiar a súa iniciativa cos instrumentos públicos de apoio á I+D+i.

O citado formulario está dividido en tres bloques de información:

1. Datos de identificación do solicitante
2. Descrición e clasificación da consulta
3. Documentación (ficheiros) de apoio

No bloque 1, deberá cubrir unha serie de datos básicos para identificalo e poder enviarlle o resultado do servizo de asesoramento.

No bloque 2, deberá incluír unha breve descrición da consulta que realiza e clasificala segundo uns criterios preestablecidos.

No bloque 3, deberá achegar a información da súa iniciativa. Se o desexa poderá utilizar un documento modelo para organizar a información que quere enviarnos. Igualmente, poderá achegar toda a información que considere relevante (catálogos, planos, etc.).