|
A Rede de Dinamización da Sociedade da Información xorde no ano 2006 con obxetivo fundamental de reducir a fenda dixital. Para iso, os dinamizadores e as dinamizadoras teñen como misión achegar as novas tecnoloxías a toda a xeografía galega.
Entre os seus obxectivos están: Promover o uso das NTIC na poboación, facendo especial fincapé naqueles colectivos onde a fenda dixital sexa máis evidente.
Dinamizar as pemes e micropemes galegas, mostrándolles as vantaxes da Sociedade da Información para o desenvolvemento rural, empresarial, industrial e cultural de Galiza.
Utilizar eficientemente os recursos tecnolóxicos existentes, de modo que permitan o acceso da poboación en xeral á utilización das aulas dispoñibles, e acompañar e formar a cidadanía no achegamento á Sociedade da Información.
Crear e consolidar a figura de dinamizador/a da Sociedade da Información, que serán axentes que dirixirán a súa actuación con actividades e iniciativas ás persoas con menos capacidade de acceso á Sociedade da Información.
Rede de Dinamización da Sociedade da Información, é unha iniciativa da Dirección Xeral de Promoción Industrial e da Sociedade da Información da Consellaría de Innovación e Industria, enmarcada dentro do PEGSI (Plano Estratéxico Galego da Sociedade da Información da Consellería de Innovación e Industria).
|
|
-
Redes Sociais
( 1 Artigos )
-
SITE
( 1 Artigos )
A Sala de Innovación Tecnolóxica Empresarial (SITE) é un innovador servizo, liderado pola Fundación CEL-Iniciativas por Lugo e apoiado pola Obra Social de Caixa Galicia, a Consellería de Economía e Industria e a Confederación de Empresarios de Lugo, que nace coa pretensión de servir de escaparate para a presentación de modelos de negocio e tecnoloxía para as empresas. A SITE nace coa vocación de propagar entre o tecido empresarial da nosa provincia unha cultura de innovación tecnolóxica que sexa adecuada ao desenvolvemento das actividades que se realizan. Asesora así a aquelas pemes e microempresas según a súa realidade empresarial e propón solucións reais e concretas axustadas a cada sector. As dependencias da SITE contan con espazos perfectamente equipados para dar cabida a conferencias, cursos de formación, reunións ou demostracións de equipos e sistemas. As actividades da SITE desenvólvense segundo catro eixes fundamentais: Xornadas informativas Demostracións de proxectos empresariais Formación para empresarios Reunións de asociacións sectoriais
A SITE tamén conta cunha faceta virtual na páxina web site.fundacioncel.org, onde pode obterse información da actualidade, convocatorias de axudas e novas de interese relacionadas coas novas tecnoloxías. Asimesmo, poderase inscribir nas xornadas e cursos formativos e obter a documentación presentada nestos.
|  |  |  |  |
|
Novas tecnoloxías 
