|
A Fundación CEL mantén activo dende 2006 un servizo gratuíto de apoio a emprendedores: o Punto de Asesoramento e Inicio de Tramitación (PAIT). Grazas a este servizo é posible crear unha empresa dun modo moi sinxelo, posto que mediante un procedemento telemático, o emprendedor só ten que ir presencialmente a un PAIT da Fundación CEL e á notaría, evitando desprazamentos para facer o resto dos trámites para constituír a súa sociedade (Sociedade Limitada ou Sociedade Limitada Nova Empresa) e sen necesidade de utilizar formularios en papel.
Na Fundación CEL asesoramos os emprendedores na xestación e definición do seu proxecto; iniciamos e completamos o trámite administrativo de creación e posta en marcha da sociedade a través do DUE, que se traslada telemáticamente a todos os organismos implicados (Axencia Tributaria, Xunta de Galicia, Rexistro Mercantil e Seguridade Social); e proporcionamos asistencia técnica e tutela nas primeiras etapas de actividade empresarial.
| O persoal da Fundación CEL encárgase de cubrir os seus datos no Documento Único Electrónico (DUE), sendo o Sistema de Tramitación Telemática do Centro de Información e Rede de Creación de Empresas (STT-CIRCE) o que realizará as seguintes xestións: Reserva da Denominación Social (só SLNE) Reserva de cita co notario Solicitude do CIF provisional Presentación da Declaración Censual de Inicio de Actividade Liquidación do Imposto de Transmisións Patrimoniais e Actos Xurídicos Documentados (ITP/AXD) Inscrición no Rexistro Mercantil Provincial Trámites coa Tesouraría Xeral da Seguridade Social - Solicitude do CIF definitivo
Opcionalmente, tamén se pode tramitar a inclusión de ficheiros de datos con información persoal na Axencia de Protección de Datos e a reserva de dominio de Internet.
| | |
|
Emprendedores 
