Premio a proxectos de promoción exterior da provincia de Lugo:

Este premio ten como obxectivo principal fomentar a consolidación exterior da nosa provincia, incentivando proxectos que patrocinen Lugo fóra do noso contorno.

Finalidade do premio: Recoñecer e estimular o labor de divulgación e promoción da provincia de Lugo, por medio da posta en marcha de estratexias de comercialización nacional ou internacional, así como aqueles proxectos de promoción da provincia que destaquen as súas vantaxes e posibilidades económicas, culturais e turísticas e, en xeral, aqueles proxectos capaces de atraer investimentos e xerar actividades que incrementen os fluxos comerciais ou resalten a dimensión social e económica do empresariado lucense.

Destinado a: Calquera persoa, física ou xurídica, pública ou privada, que deseñe ou poña en marcha un proxecto que contribúa á promoción exterior da provincia de Lugo.

Requisitos para concorrer:
-Presentación dun proxecto ou idea que contribúa á promoción exterior da provincia de Lugo.
-Que a referencia á provincia de Lugo sexa un elemento esencial do proxecto.
-Que o proxecto ou a súa posta en marcha se realizase durante o ano da convocatoria ou disposición.

Contido do premio:
-Diploma de mérito.
-Estatua da Fundación CEL - Iniciativas por Lugo.



O prazo de presentación permanecerá aberto ata o 31 de Xaneiro de 2009.

Se quere participar nesta modalidade pulse aquí.