Lugo en Cifras é unha publicación de carácter anual, que naceu co obxectivo esencial de servir como instrumento de consulta e fonte de referencia para todos aqueles que desexen coñecer a realidade da provincia de Lugo.

A través deste estudo ponse a disposición dos emprendedores e empresarios lucenses un documento que, de forma cómoda e sinxela, facilita datos sobre diversas variables macroeconómicas, tanto da provincia coma das trece comarcas que a conforman, co que se obtén unha radiografía da realidade socioeconómica do noso contorno.

Lugo en Cifras comparte unha similar estrutura e fontes de información con outras edicións dirixidas polo Instituto de Desarrollo de Caixanova, para as provincias da Coruña e Pontevedra, e pola Confederación de Empresarios de Ourense, para a dita provincia.

LUGO EN CIFRAS		A CORUÑA EN CIFRAS		OURENSE EN CIFRAS		PONTEVEDRA EN CIFRAS