Presentación da Semana do Emprendemento en Lugo  

     O presidente da Fundación CEL, Luis García Santalla, acudiu á presentación oficial no Concello dos actos da Semana do Emprendemento en Lugo, que este ano conta co apoio da Rede Mercurio, da que formamos parte. O evento desenvolverase do 14 ao 18 deste mes e no programa inclúese a celebración do Día do Emprendemento propiamente dito, cos tradicionais relatorios de emprendedores e empresarios de éxito ao longo do día 16, e ademais un almorzo de emprendedores organizado pola nosa entidade, un par de charlas sobre aspectos xurídicos na creación empresas de base tecnolóxica e sobre o papel de Europa na creación de emprego e unha sesión de cine-fórum en torno ao filme El diablo se viste de Prada.