Boletín de Novas

para Emprendedores

18 de Xullo de 2008

1-Máis investimento para o programa Peme Dixital

O conselleiro de Innovación e Industria, Fernando Blanco, anunciou que o seu departamento vai ampliar as iniciativas previstas para estender a sociedade da información en Galicia cun investimento adicional de 9 millóns de euros para os anos 2008 e 2009, achegados por tres liñas ao convenio do Plan Avanza. Unha destas partidas, duns 3 millóns de euros, irá destinada ao programa Peme Dixital, co que se busca incrementar o grao de adopción das TIC nas pequenas e medianas empresas.

Consultar nova

2-En marcha o Plan Peme Galega

O Plan Peme Galega está a ser presentado por Industria nas cidades do país, tras a primeira xornada do xoves 17 en Vigo. As pemes que se adhiran poden acceder aos tres programas de formación e consultoría por parte de expertos: o Programa DEGA de Desenvolvemento da Empresa Galega, o Programa Directivos e o Programa Xestión PEME.

Consultar web

3-Unha radiografía do emprendemento galego

Xa viu a luz o Informe Ejecutivo Galicia 2007, elaborado no marco do proxecto internacional Global Entrepreneurship Monitor pola Confederación de Empresarios de Galicia, BIC Galicia e o grupo de investigación Métodos e Xestión de Empresas da Universidade de Santiago de Compostela. Trátase dun amplo estudo da actividade emprendedora en Galicia que, por terceiro ano consecutivo, mantén un ritmo de crecemento, cun total de 134.685 novas iniciativas empresariais e 238.853 emprendedores detrás delas.

Consultar web

4-Dispoñibilidade de solo industrial nas Gándaras

A Consellería de Vivenda e Solo abriu o rexistro de solicitantes de solo industrial no parque empresarial das Gándaras ata o 30 de outubro. Os interesados poden realizar unha solicitude simple, incluíndo os datos básicos da empresa, ou unha máis completa, con información sobre a actividade que se vai desenvolver, o investimento previsto ou as expectativas de creación de emprego, entre outras cuestións. Con esta segunda opción, o demandante poderá sumar ata catro puntos de cara á apertura do concurso de compravenda de parcelas.

Consultar nova

1999, de 13 de decembro, de Protección de Datos de Carácter Persoal, os seus datos serán tratados de forma confidencial e poderán ser incorporados aos correspondentes ficheiros automatizados ou non, titularidade da FUNDACIÓN CEL, debidamente inscritos no Rexistro Xeral de Protección de Datos. En calquera momento, poderá exercitar os seus dereitos de acceso, cancelación, rectificación e oposición ao tratamento dos seus datos de carácter persoal, dirixíndose para ese efecto á FUNDACIÓN polo medio que desexe (correo electrónico ou comunicación escrita ás direccións que se indican neste boletín), indicando o concreto dereito que desexa exercitar.