Queres darte de alta no boletín de novas tecnolóxicas empresariais da SITE?

 VER BOLETÍN EN ESPAÑOL 

     Substitúe ao re-Solve anterior e mellora as súas condicións ao cubrir operacións de ata 500.000 euros. Inclúe ás pemes como beneficiarios das operacións de financiamento, avaladas ao cento por cento. Esta liña entrará en vigor unha vez que se asine o correspondente convenio coas Sociedades de Garantía Recíproca e se publiquen as bases reguladoras no Diario Oficial de Galicia. Así o anunciou esta semana o conselleiro de Economía e Industria, Javier Guerra.                    

     Noutros países xa se está a ofertar a formación especializada de emprendedores cun máster oficial e agora a Universidad Rey Juan Carlos de Madrid (URJC) impartiráo por primeira vez en España, dende o vindeiro curso, cun plan de estudos que lle dará cabida á teoría da decisión, á administración de empresas, aos procesos de mercado e a eficiencia dinámica das institucións, á dirección de operacións ou ao impacto das TIC na actividade emprendedora, entre outras materias necesarias para coller seguridade no momento de desenvolver iniciativas empresariais propias. O máster é presencial, con apoio on-line, e a duración dun curso académico.                                                                               

     As subvencións destinadas ao fomento da utilización de instalacións e equipamentos en común para a mellora dos procesos produtivos en réxime asociativo foron convocadas pola Consellería do Medio Rural o 22 de xuño a través do DOG. Concederanse axudas para a construción, adquisición ou mellora de bens inmobles e instalacións e para gastos xerais como honorarios de arquitectos, enxeñeiros, estudos de viabilidade ou a adquisición de dereitos de patentes.                            

     Ifema e Fundetec abriron ata o 26 de xullo o prazo de presentación de candidaturas ao V Premio Vivero de SIMO Network, unha oportunidade para novas empresas de base tecnolóxica que operen nos sectores de infraestruturas e sistemas, ferramentas e solucións para a empresa e telecomunicacións e internet. As empresas premiadas participarán gratuítamente con estand na feira SIMO Network 2010 e todas as seleccionadas optarán a un premio especial en metálico de 12.000 euros ao proxecto mellor valorado, que entrega Fundetec.