Queres darte de alta no boletín de novas tecnolóxicas empresariais da SITE?

 VER BOLETÍN EN ESPAÑOL 

     Con este obxectivo, a Fundación CEL e IGAPE-BIC Galicia organizan en Lugo para o mes de xuño unha nova edición do Seminario de Planificación Empresarial, de carácter gratuíto e dirixido aos emprendedores. Para participar nel basta con ter en mente un proxecto empresarial propio ao que, co apoio dun experto, se lle dará forma de plan de negocio. O programa estrutúrase en sete sesións de formación, de enfoque práctico, e en dúas titorías persoalizadas por proxecto. O prazo de inscrición manterase aberto ata o próximo venres 21 deste mes e o seminario dará comezo o día 31 tamén de maio, na sede da nosa Fundación, cunha entrevista cos alumnos.                                    

     Traballo abriu a súa convocatoria hoxe mesmo no DOG. Os proxectos empresariais previamente cualificados como Iniciativas Locais de Emprego (ILES) e inscritos como tales no rexistro administrativo correspondente poderán beneficiarse destas subvencións coas que se financian parcialmente os custos necesarios para a posta en marcha da empresa. De feito, diríxense á creación directa de emprego estable, á contratación de expertos técnicos de alta cualificación e ao apoio á función xerencial, así como ao inicio da actividade. Ademais, se o traballo principal das ILES se adscribe a algún dos denominados novos viveiros de emprego, como as novas tecnoloxías, o turismo rural e cultural, o audiovisual ou a xestión de residuos, por exemplo, terán acceso a un incremento do 10% na contía das axudas.                                                                                               

     No BOE do xoves 6 de maio recóllese esta convocatoria do Ministerio de Industria, Turismo e Comercio para a concesión de axudas do Plan Avanza, que no eido das empresas se cingue ás liñas Avanza Formación, dirixida a mellorar a formación en xeral en novas tecnoloxías de empregados de pemes e autónomos, e Avanza Competitividade (I+D+I), para a realización de proxectos e actuacións de investigación, desenvolvemento e innovación. Os prazos de presentación das solicitudes rematan a segunda semana de xuño.                                                                      

     A Consellería de Traballo e Benestar outorga incentivos para favorecer o emprego estable e facilitar a inserción laboral das persoas con maiores dificultades para reincorporarse ao mercado de traballo. Son tres os tipos de apoio establecidos, dacordo coas bases reguladoras que saíron no DOG do 7 de maio: á contratación indefinida inicial, á transformación de contratos temporais en indefinidos e á contratación temporal. Poderán solicitarse ata o 30 de xuño.