Queres darte de alta no boletín de novas tecnolóxicas empresariais da SITE?

 VER BOLETÍN EN ESPAÑOL 

     A nova convocatoria da Consellería de Traballo e Benestar para as empresas cualificadas como Iniciativas Empresariais de Base Tecnolóxica (IEBT) contempla cinco modalidades de axuda, cuxas bases reguladoras están explicadas no DOG do 4 de maio. Subvenciónanse a creación directa de emprego estable, a contratación de persoal técnico de alta cualificación e o apoio á función xerencial ao promotor na instalación da empresa mediante tutorías, formación ou ben a través da realización externa de estudos e informes da actividade. Tamén haberá axudas financeiras e para o inicio e posta en marcha da actividade. O prazo de presentación das solicitudes finaliza o 30 de xuño.                                                 

     Ata o 31 de maio. Ese é o prazo marcado pola Consellería de Cultura e Turismo para que as entidades privadas soliciten as súas axudas á mellora da infraestrutura de hoteis en Galicia. As catro liñas de apoio establecidas destinaranse a proxectos que permitan a conversión de categoría dos hoteis, que supoñan a modernización das instalacións (especialmente no relativo á accesibilidade ou á oferta complementaria de servizos, como instalacións deportivas, de lecer, spa…), que conduzan á obtención da certificación de calidade Q do ICTE e de xestión ambiental e, por último, que dean lugar a unha redución de prazas, por exemplo mediante a reconversión de cuartos en suites.                                                                                           

     A Consellería de Economía e Industria vai apoiar o sector da artesanía coa concesión de subvencións ás asociacións profesionais e empresariais de artesáns. Segundo as bases reguladoras, considéranse actuacións subvencionables os investimentos en equipamentos, mellora da loxística e das comunicacións, a divulgación e promoción de produtos artesanais, a participación como expositor con caseta propia en feiras de carácter profesional e a incorporación do deseño ás novas liñas de produto, así como outras actuacións específicas deste colectivo, como de información e orientación comercial, xornadas técnicas, mesas redondas, etc.                                                                        

     Este programa para pemes con menos de 36 meses de actividade, que organiza a Consellería de Economía e Industria a través de BIC Galicia e en colaboración coa Federación Galega de Xoves Empresarios (Fegaxe), ten tres fases: realización de talleres prácticos de aprendizaxe nas principais áreas de xestión empresarial, incorporación á Rede Mentoring para recibir asesoramento externo cualificado por parte dos mentores que a conforman e participación nun encontro comercial centrado na posta en práctica do aprendido e orientado á presentación das empresas participantes e mais á venda. Desenvolverase nos meses de maio e xuño e só hai quince prazas que se cubrirán por orde de inscrición. Para inscrivirvos ou solicitar máis información podedes dirixirvos a AJE Lugo, por teléfono (982 224 699), fax (982 224 685) ou correo electrónico (info@ajelugo.com).