Boletín Especial
de Novas

para Emprendedores

29 de Setembro de 2008

Queres darte de alta no boletín de novas tecnoloxías empresariais do SITE?

1-O Programa Impulsa, unha oportunidade

O Programa Impulsa é un proxecto piloto deseñado e promovido por BIC Galicia para a consolidación das micropemes no mercado.

Trátase dunha grande oportunidade para emprendedores e pequenas empresas pois ofréceselles, gratuitamente, unha formación completa e personalizada en Dirección estratéxica, Dirección comercial e mercadotecnia, Dirección operativa, Control de xestión e sistemas de información e mais Dirección de recursos humanos, aspectos fundamentais para a mellora competitiva dun negocio.

O Programa desenvolverase en tres fases: de formación (46 horas de duración), de titorías (80 horas) e de coaching (70 horas). Está previsto que a fase de formación, de modalidade presencial, se celebre en Vigo e en Santiago de Compostela; non obstante, contemplarase a posibilidade de que tamén se imparta en Lugo no caso de que se conte cun grupo de, como mínimo, 5 empresas.

Poden participar neste Programa as micropemes de entre 12 e 24 meses de actividade. Deberán poñerse en contacto coa Fundación CEL coa maior brevidade posible, xa que a data límite de inscrición é o 3 de outubro.

Ver Programa // Formulario de inscrición

1999, de 13 de decembro, de Protección de Datos de Carácter Persoal, os seus datos serán tratados de forma confidencial e poderán ser incorporados aos correspondentes ficheiros automatizados ou non, titularidade da FUNDACIÓN CEL, debidamente inscritos no Rexistro Xeral de Protección de Datos. En calquera momento, poderá exercitar os seus dereitos de acceso, cancelación, rectificación e oposición ao tratamento dos seus datos de carácter persoal, dirixíndose para ese efecto á FUNDACIÓN polo medio que desexe (correo electrónico ou comunicación escrita ás direccións que se indican neste boletín), indicando o concreto dereito que desexa exercitar.