Boletín de Novas

para Emprendedores

16 de Xullo de 2010

Queres darte de alta no boletín de novas tecnolóxicas empresariais da SITE?

1-Formación en prácticas de alumnos de ADE

A sinatura dun convenio de colaboración entre a USC e a Fundación CEL posibilita que a nosa entidade e as empresas vinculadas a ela acollan en prácticas alumnos da carreira de Administración e Dirección de Empresas do campus de Lugo. O presidente da Fundación, Luis García Santalla, valorou este tipo de programas de formación cos que non só os alumnos saen beneficiados accedendo a unha experiencia laboral, senón tamén as empresas, que entran en contacto con novas xeracións de profesionais.

Consultar a noticia

2-Axudas para investimentos innovadores

No DOG do 12 de xullo recóllese a convocatoria das subvencións para investimentos innovadores, que permanecerá aberta ata o 12 de agosto. Con esta liña, a Consellería de Economía e Industria, a través da Dirección Xeral de I+D+i, busca mellorar a competitividade das pequenas, medianas e grandes empresas galegas mediante o incremento da súa capacidade tecnolóxica e innovadora. Subvencionaranse por iso investimentos dirixidos á creación dun novo centro produtivo ou á ampliación dun establecemento da empresa solicitante, co fin de permitir o desenvolvemento de novos produtos e procesos; a diversificación da produción para atender mercados de produtos novos e adicionais; e unha transformación fundamental de carácter innovador no proceso global de produción.

Ver as bases

3-Subvencións para publicar en galego

Segundo a resolución difundida pola Secretaría Xeral de Medios no DOG número 132, correspondente ao día 13 deste mes, concederanse axudas económicas, en réxime de concorrencia non competitiva, ás empresas xornalísticas que realicen publicacións periódicas escritas integramente en galego.

Consultar a resolución

4-Volvemos en setembro

Con motivo da chegada do verán, o envío semanal deste e-boletín de novas de interese para emprendedores suspéndese ata o mes de setembro. Boas vacacións!

1999, de 13 de decembro, de Protección de Datos de Carácter Persoal, os seus datos serán tratados de forma confidencial e poderán ser incorporados aos correspondentes ficheiros automatizados ou non, titularidade da FUNDACIÓN CEL, debidamente inscritos no Rexistro Xeral de Protección de Datos. En calquera momento, poderá exercitar os seus dereitos de acceso, cancelación, rectificación e oposición ao tratamento dos seus datos de carácter persoal, dirixíndose para ese efecto á FUNDACIÓN polo medio que desexe (correo electrónico ou comunicación escrita ás direccións que se indican neste boletín), indicando o concreto dereito que desexa exercitar.