Boletín de Novas

para Emprendedores

09 de Xullo de 2010

Queres darte de alta no boletín de novas tecnolóxicas empresariais da SITE?

1-Para proxectos de innovación nas pemes

A Consellería de Economía e Industria publica no DOG do 8 de xullo as bases reguladoras para a concesión de subvencións destinadas ao desenvolvemento de proxectos de investigación e innovación empresarial e que se dirixen, entre outros beneficiarios, ás pemes galegas. As axudas servirán para introducir innovacións para a xestión (na organización da produción, a mercadotecnia e a loxística) e tamén innovacións tecnolóxicas de proceso ou produto. Establécese un mes de prazo para solicitalas.

Consultar as bases

2-Re-Imaxina ata decembro

Dada a demanda de solicitudes á convocatoria do programa Re-Imaxina, o Igape vén de facer o anuncio oficial de que se amplía o prazo ata o 30 de decembro. Lembramos que se trata de axudas para a habilitación de tres liñas de financiamento subsidiado para microempresas, proxectos emprendedores e investimentos das pemes para a mellora competitiva.

A modificación nas bases

3-Axudas de Medio Rural a produtores

Ata o 20 de xullo, os produtores que participen en programas de produción e mellora dos produtos agroalimentarios galegos con calidade diferenciada poderán acollerse á convocatoria de axudas que realizou a Consellería do Medio Rural a través do DOG do día 5. Cubriranse gastos derivados da inscrición e as cotas de participación nos programas, incluíndo se é preciso os gastos de rexistro, control ou inspección e certificación necesarios para comprobar o cumprimento das especificacións dos mesmos.

Ver a axuda

4-Fondos para o sector agrícola

Galicia recibirá 418.000 euros do Ministerio de Medio Ambiente e Medio Rural e Marino (MARM) en axudas a programas agrícolas, gandeiros, agroalimentarios e de desenvolvemento rural. Así se resolveu na Conferencia Sectorial de Agricultura e Desenvolvemento Rural presidida por Elena Espinosa este mércores, á que acudiron os responsables autonómicos do sector e onde, xa en xeral, se acordou a territorialización de 18 millóns de euros.

Ler a noticia

1999, de 13 de decembro, de Protección de Datos de Carácter Persoal, os seus datos serán tratados de forma confidencial e poderán ser incorporados aos correspondentes ficheiros automatizados ou non, titularidade da FUNDACIÓN CEL, debidamente inscritos no Rexistro Xeral de Protección de Datos. En calquera momento, poderá exercitar os seus dereitos de acceso, cancelación, rectificación e oposición ao tratamento dos seus datos de carácter persoal, dirixíndose para ese efecto á FUNDACIÓN polo medio que desexe (correo electrónico ou comunicación escrita ás direccións que se indican neste boletín), indicando o concreto dereito que desexa exercitar.