Boletín de Novas

para Emprendedores

18 de Xuño de 2010

Queres darte de alta no boletín de novas tecnolóxicas empresariais da SITE?

1-Fondo de capital risco para emprendedores

Denominado Xes-Innova Xove, estará dotado con dous millóns de euros e con el os novos empresarios innovadores poderán dispoñer de préstamos participativos públicos como apoio para o financiamento dos seus proxectos. Esta nova liña vaise impulsar mediante un convenio entre Xesgalicia, sociedade dependente da Consellería de Economía e Industria, e a Federación Galega de Xoves Empresarios (Fegaxe), que se ocupará de localizar proxectos susceptibles de ser apoiados. Así o anunciou esta semana o conselleiro de Economía e Industria, Javier Guerra, nos actos do Día do Emprendemento en Santiago de Compostela.

Ler a noticia

2-Axudas a titulares e cotitulares de explotacións agrarias

O DOG número 112 do 15 de xuño recolle as bases reguladoras do programa de incentivos para promover a afiliación á Seguridade Social das persoas cotitulares ou titulares das explotacións agrarias, especialmente das mulleres. É unha iniciativa da Consellería de Traballo e Benestar dirixida a impulsar a creación de emprego e a mellora laboral no agro galego. As persoas interesadas en solicitar estas axudas teñen de prazo ata o 16 de xullo.

Ver as bases

3-Adhesión á Rede de Comercio Rural Galego

A Consellería de Economía e Industria abriu a convocatoria de subvencións para que os pequenos comerciantes ou promotores de comercios no rural se adhiran ao selo da Rede de Comercio Rural Galego, dedicada ao mantemento deste tipo de establecementos. As axudas servirán para adecuar os locais novos ou reformar e ampliar os existentes, facer intervencións nas fachadas ou adquirir mobiliario e o equipamento necesario para desenvolver a actividade. Consistirán nunha disposición en diñeiro a fondo perdido do 70% do investimento en activo fixo, cun máximo de 60.000 euros, IVE excluído. As bases poden consultarse no DOG do 14 deste mes.

Consultar a axuda

4-Congreso Internacional de Prevención en Lugo

O campus de Lugo vai acoller no mes de outubro o Congreso Internacional de Prevención de Riscos Laborais, que se celebrará concretamente os días 20, 21 e 22 na facultade de Ciencias e que organizan a Sociedade Galega de Prevención de Riscos Laborais e a Universidade de Santiago de Compostela. A tramitación das inscricións lévaa a Escola Galega de Formación (E-scola), coa que se pode contactar por teléfono (982 251657) ou por correo electrónico (secretaria@congresodeprevencion.com).

Web do congreso

1999, de 13 de decembro, de Protección de Datos de Carácter Persoal, os seus datos serán tratados de forma confidencial e poderán ser incorporados aos correspondentes ficheiros automatizados ou non, titularidade da FUNDACIÓN CEL, debidamente inscritos no Rexistro Xeral de Protección de Datos. En calquera momento, poderá exercitar os seus dereitos de acceso, cancelación, rectificación e oposición ao tratamento dos seus datos de carácter persoal, dirixíndose para ese efecto á FUNDACIÓN polo medio que desexe (correo electrónico ou comunicación escrita ás direccións que se indican neste boletín), indicando o concreto dereito que desexa exercitar.